टाटा समूहाचा भाग असलेल्या टाटा केमिकल्स या कंपनीने खाजगी प्लेसमेंटच्या आधारावर गुंतवणूकदारांना नॉन-कन्व्हर्टेबल डिबेंचर (NCDs) जारी करून 1700 कोटी उभारण्याची योजना आखली आहे. कंपनीच्या नफ्यात मोठ्याप्रमाणावर घट झाली आहे. शुक्रवार दिनांक 9 ऑगस्ट 2024 रोजी टाटा केमिकल्सच्या शेअर्समध्ये गुंतवणूकदारांची खरेदी दिसून आली आणि या कंपनीचा शेअर 1041.70 रुपयांवर बंद झाला. जून तिमाहीत टाटा केमिकल्सचा नफा 72% घसरून 150 कोटी रुपयांवर आला आहे. 2023 मध्ये याच कालावधीत कंपनीला 532 कोटी रुपयांचा नफा झाला होता. चला तर मग टाटा समूहाच्या या कंपनीबद्दल अधिक माहिती मिळवूया
Tata Chemicals Ltd बद्दल अधिक माहिती
Tata Chemicals Ltd ही टाटा समूहाचाच भाग असलेली एक कंपनी आहे. या कंपनीमार्फत मूलभूत रसायनशास्त्र उत्पादने, ऊर्जा विज्ञान उत्पादने, पोषण विज्ञान, मटेरियल सायन्सेस उत्पादने, कृषी विज्ञान उत्पादने तयार केली जातात. या कंपनीचे शेअर्स NSE आणि BSE वर खरेदी केले जातात. टाटा केमिकल्सची रॅलिस इंडिया नावाची सार्वजनिकरित्या सूचीबद्ध उपकंपनी देखील आहे.
कंपनीने नॉन-कन्व्हर्टेबल डिबेंचर जारी केले
टाटा केमिकल्सच्या संचालक मंडळाने स्थापन केलेल्या समितीने 9 ऑगस्ट 2024 रोजी झालेल्या बैठकीत NCD जारी करण्याच्या अटींना मान्यता दिली. कंपनीने पात्र गुंतवणूकदारांना प्रत्येकी 1 लाख रूपये दर्शनी मूल्याचे 1,70,000 नॉन-कन्व्हर्टेबल डिबेंचर (NCDs) खाजगी प्लेसमेंटच्या आधारावर जारी करण्याचा प्रस्ताव ठेवला जो एकूण 1,700 कोटी आहे. नॉन-कन्व्हर्टेबल डिबेंचर एनएसईच्या कर्ज विभागात सूचीबद्ध करण्याचा प्रस्ताव आहे. कंपनीने NSD 20 ऑगस्ट 2024 रोजी वाटप करण्याचा निर्णय घेतला आहे, तर या शेअर्सची मॅच्युरिटी तारीख वाटपाच्या तारखेपासून तीन वर्षांची म्हणजेच 20 ऑगस्ट 2027 आहे.
नॉन कन्व्हर्टेबल डिबेंचर (NCDs) म्हणजे काय?
नॉन-कन्व्हर्टेबल डिबेंचर कर्जाच्या श्रेणीत येतात. त्यांचे इक्विटी किंवा स्टॉकमध्ये रूपांतर करता येत नाही. NCDs ची निश्चित मुदतपूर्ती तारीख असते आणि व्याज मूळ रकमेसह एकतर मासिक, त्रैमासिक किंवा वार्षिक निर्दिष्ट केलेल्या निश्चित कालावधीनुसार दिले जाऊ शकते. परिवर्तनीय डिबेंचरच्या तुलनेत ते गुंतवणूकदारांना त्यांचा सर्वोच्च परतावा, तरलता, कमी जोखीम आणि कर लाभ यांचा लाभ देतात.
NCD चे उदाहरण पाहूया – जेव्हा कंपनी NCD ची घोषणा करते किंवा दुय्यम बाजारात व्यापार केल्यानंतर खरेदी करते तेव्हा तुम्ही गुंतवणूक करू शकता. तुम्ही कंपनीचे क्रेडिट रेटिंग, जारीकर्त्याची विश्वासार्हता आणि NCD चे कूपन दर तपासले पाहिजेत. तुम्ही AAA+ किंवा AA+ सारख्या उच्च रेटिंगचे NCD खरेदी केल्यास ते मदत करेल.
कंपनीच्या शेअर्सचा तिमाही निकाल
जून तिमाहीत Tata Chemicals Ltd तानफा 72% घसरून 150 कोटी रुपयांवर आला होता. वर्षभरापूर्वी याच कालावधीत कंपनीला 532 कोटी रुपयांचा नफा झाल्याचे रिपोर्टमध्ये दिसून येते. एप्रिल-जून तिमाहीत कंपनीचे एकूण उत्पन्नघटून 3,836 कोटी रुपये झाले, जे मागील वर्षी याच कालावधीत 4,267 कोटी रुपये होते. या कालावधीत कंपनीचा एकूण खर्च 3,527 कोटी रुपयांवरून 3,621 कोटी रुपयांपर्यंत वाढला आहे.
Tata Chemicals Ltd शेअरहोल्डिंग पॅटर्न
टाटा केमिकल्सच्या शेअरहोल्डिंग पॅटर्न पाहता असे लक्षात येते की, 37.98% भागिदारी प्रवर्तकांकडे आहे, सार्वजनिक भागीदारी 62.02% असून टाटा सन्स प्रायव्हेट लिमिटेडकडे 8,12,60,095 शेअर्स आहेत. ही कंपनीच्या 31.90% भाग इतकी आहे.